የወንዶች የጡት መጠን አንዲት ለአቅመ ሄዋን ያልደረሰች ሴት የሚኖራትን ያህል ጡት ነው፡፡ በዚህም የተነሳም መጠኑ ከሴቶች በጣም ያነሰ ይሁን እንጂ ወንዶች በጡት ካንሰር የመያዝ እድል አላቸው፡፡
2.በወንዶች ላይ የሚከሰተው የጡት ካንሰር በአብዛሃኛው ጊዜ የሚታወቀው (Diagnose) የሚደረገው ዘግይቶ ነው፡፡ ለዚህም እንደዋነኛ ምክንያት የሚቀመጠው ወንዶች በጡት ካንሰር እንያዛለን ብለው ስለማያስቡና ተገቢውን ምርመራ በጊዜ ስለማያደርጉ ነው፡፡ ከዚህ በተረፈ ግን ተመሳሳይ ደረጃ ያላቸው የሴትና የወንድ የጡት ካንሰር ተማሳሳይ ህክምናና የመዳን እድል አለው፡፡
እና ሌሎችም
የወንዶች የጡት ካንሰር ምልክቶቸ በሴቶች ላይ ከሚታዩት የጡት ካንሰር ምልከቶች ጋር ተማሳሳይነት አላቸው፡፡ ነገር ግን ከላይ እንደጠቀስኩት ወንዶች ዘግይተው ነው ወደ ሀኪም ጋር የሚሄዱት፡፡ ስለዚህም ምልክቶቹ ብዙ ጊዜ የበለጠ ከባድና ወደ ሌላ የሰውነት ክፍሎች (ምሳሌ ሳንባ፤ ጉበት፤አጥንት) የመሰራጨት እድል አላቸው፡፡ ምልክቶቹን ከፌስቡክ ቻናሌ (@drabduoncology) እና ከዌብ ሳይቴ ላይ ማየት ትችላላችሁ (www.drabduadem.com) ፡፡ የምርመራ አማራጮቹም ታሪክን በትክክል መውሰድ (History)፤ ተገቢውን አካላዊ ምርመራ ማድረግ (Physical Examination)፤ የጡት ራጅ (mammography)፤የናሙና ምርመራ (biopsies) እና ሌሎች እንደ አስፈላጊነቱ የህመሙን ስርጭት ለማወቅ የሚደረጉ ምርመራወችን ያካትታል፡፡
የወንድ የጡት ካንሰርን ለማከም የሚረዱ የህክምና አማራጮች የሴት ጡት ካንሰርን ለማከም ከምንጠቀምባቸው ምንገዶች ጋር ተማሳሳይ ሲሆኑ እነዚህም ቀዶ ጥገና፤ ኬሞቴራፒ፤ጨረር፤ የሆርሞንና ኢሚኖቴራፒ የገኙበታል፡፡